२९ असार २०८३, सोमबार
स्वास्थ्य तथा जनसंख्या मन्त्रालयले पछिल्लो २४ घण्टामा नेपालमा १ सय ३३ जनामा कोरोना संक्रमण देखिएको जनाएको छ ।
शुक्रवार नियमित प्रेस ब्रिफिङमा बोल्दै मन्त्रालयका प्रवक्ता डाक्टर जागेश्वर गौतमले पछिल्लो २४ घण्टामा १ सय ३३ जनामा कोरोना पुष्टि भएको बताएका हुन् ।
उनले १ सय ७ जनाले कोरोना जितेर डिस्चार्ज भएकोसमेत जानकारी दिए ।
यससँगै नेपालमा सक्रिय संक्रमित ५ हजार ३ सय ८३ रहेको छ भने आजसम्म १२ हजार ९ सय ४७ ले कोरोना जितेर डिस्चार्ज भइसकेका छन् ।
