काठमाडौं, १९ वैशाख– आसन्न स्थानीय तह निर्वाचनको पहिलो चरण (३१ वैशाख)का लागि नेपाली कांग्रेसले देशका चार महानगरपालिका लागि उम्मेदवार छनौटको काम टुंग्याएको छ ।

कांग्रेसले काठमाडौं महानगरपालिकामा राजुराज जोशीलाई मेयरमा उठाउने निर्णय गरेको छ भने उपमेयरमा हरिप्रभा खड्गीलाई अगाडि सारेको छ । मेयरका उम्मेदवार जोशी उद्योगमन्त्री नवीन्द्रराज जोशीका दाइ हुन् ।

यस्तै ललितपुर महानगरपालिकाको मेयरमा चिरिबाबु महर्जन र उपमेयरमा गीता सत्याललाई अगाडि सारिएको छ ।

नेपाली कांग्रेसले क्षेत्रफलका हिसावले देशकै ठूलो पोखरा लेखनाथ महानगरपालिकाको मेयरमा रामजी कुँवर र उपमयेर पदमा पत्रकार सरस्वती गुरुङलाई उठाउने निर्णय गरेको छ ।

यस्तै भरतपुर महानगरको मेयर दपमा दिनेश कोइराला र उपमेयर पदमा पारवती शाहको नाम टुंगो लगाएको छ ।