काठमाडौं, २० वैशाख– वैशाख ३१ गतेको स्थानीय तहको चुनावका लागि दलहरुले हिजो उम्मेदवारी दर्ता गरेका छन् । पहिलो चरण अन्तगत निर्वाचन हुने महानगर, नगरपालिका, गाउँपालिकाहरुमा उम्मेदवारी दर्ता गर्नेको उल्लेख्य सहभागीता भएको निर्वाचन आयोगले जनाएको छ ।
यसैबीच सिन्धुपाल्चेक जिल्लाको बाह्रबिसे नगरपालिकामा नेपाली कांग्रेसका तर्फबाट बालकृष्ण बस्नेत मेयरका उम्मेदवार बनेका छन् ।
उम्मेदवारी दर्ता गरेसँगै बस्नेतले आफू निर्वाचित भएको खण्डमा बाह्रविसे नगरपालिकामा जनताले प्रत्यक्ष अनुभूति गर्न सक्ने खालको काम गर्ने बताएका छन् ।
उनले ५ वर्षमा देशकै उत्कृष्ठ नगरपालिका बनाउने दावी गरे । उनले भोटेकोसीको जोखिमलाई न्यूनीकरण गरि बजार र गाउँको बिकास प्राथमिकतामा पर्ने बताए ।
ग्रामिण सडकलाई पक्की गर्ने, गाउँ गाउँमा सामुदायिक भवन , स्विमिङ पुल , धारो , स्वास्थ्य केन्द्र निर्माणकार्य तीव्रताका साथ गर्नका लागि आफ्नो उम्मेदवारी भएको उनले बताए ।
उनले ५ बर्षमा स्थानीय जनतासंग मिलेर सिंहदरबारको अधिकार गाउँमा स्थापित गर्ने , भूकम्पले भत्किएको घर तथा संरचना बनाउन जनतासंग हातेमालो गर्ने, भूकम्पपीडित को लिस्टमा छुटेका ३०. ५ जनताको अधिकार सुनिश्चित गर्ने , भोटेकोसी नदीबाट बजारको बस्तीमा पर्नसक्ने जोखिमलाई शुन्य पार्ने , पहिरो नियन्त्रणमा बैज्ञानिक प्राविधिक उपाय अबलम्ब्न गर्ने , स्थानीय स्तरमा बिकास र रोजगारको अवस्था सृजना गरि बिदेशीएका युवाहरूलाई गाउँमा फर्काउने , पर्यटन र ब्यबसायलाई उर्बर बनाउनआफ्नो योजना रहेको बताए ।
