२७ असार २०८३, शनिबार
नेपाली राष्ट्रिय १९ वर्षमुनि (यू–१९) को क्रिकेट टोलीलाई चौधरी ग्रूपको वाइवाइ चाउचाउले ५ वर्षको लागि प्रायोजन गरेको छ ।
नेपाल क्रिकेट संघ (क्यान) का अध्यक्ष चतुरबहादुर चन्द र चौधरी ग्रूपका प्रबन्ध निर्देशक निर्वाण चौधरीले सोमवार आयोजित एक कार्यक्रममा ५ वर्षीय सम्झौता पत्रमा हस्ताक्षर गरेका छन् ।
सम्झौतासँगै वाइवाइले क्यानलाई अब वार्षिक ७० लाख रुपैयाँ उपलब्ध गराउने छ ।
हरेक २ वर्षमा १० प्रतिशतले रकममा वृद्धि हुने सम्झौतामा उल्लेख छ । सम्झौतासँगै अब नेपाली यू–१९ क्रिकेट टोलीको नाम वाइवाई यू–१९ क्रिकेट टोली रहने छ । कार्यक्रममा चौधरी ग्रूपका प्रबन्ध निर्देशक चौधरीले आफ्नो संस्थाको मुख्य लक्ष्य क्रिकेट खेलको विकासमा सहयोग गर्ने भन्दै क्यानसँग सहकार्य र क्रिकेटसँग जोडिन पाउँदा खुशी लागेको बताए ।
क्यानका अध्यक्ष चन्दले सम्झौताले नेपाली क्रिकेट खेलको विकास र विस्तारमा सहयोग पुग्ने भन्दै निजी संस्थाको सहयोग विना क्रिकेट कार्यक्रम गर्न सम्भव नरहेको बताए ।
