नेकपा एमालेका अध्यक्ष केपी शर्मा ओली र वरिष्ठ नेता माधव कुमार नेपालबीच बुधबार साँझ भेटवार्ता भएको छ । पार्टीभित्र बढ्दो तिक्तताका बीच भएको भेटवार्तालाई अर्थपूर्ण रुपमा हेरिएको छ ।
राजधानीको होटल मेरियटमा करिब २ घण्टा भएको भेटवार्तामा के कुरा भयो भन्ने ठोस विषय हालसम्म बाहिरिएको छैन ।

वार्तापछि दुबै नेता प्रफुल्ल मुद्रामा होटलबाट बाहिरिएका थिए भने सञ्चारकर्मीले नेता नेपाललाई भेटबारे जानकारी दिन आग्रह गर्दा कुनै प्रतिक्रिया दिन चाहेनन् ।
वार्तामा दुबै नेताले आ–आफ्नो कुरा राख्नुका साथै पार्टीमा मिलेर जानुपर्ने विषयमा छलफल भएको बुझिएको छ ।

बैठकमा नेपालले ओलीलाई पार्टीलाई मिलाएर लैजाने जिम्मेवारी अध्यक्षको भएको भन्दै विश्वासको वातावरण तयार गर्न आग्रह गरेका थिए । प्रधानमन्त्रीका आर्थिक सल्लाहकार मोदी दुगडले दुबै नेता प्रफुल्ल मुद्रामा बाहिरिएकाले वार्ता सकारात्मक भएको अनुमान गर्न सकिने बताए । यद्यपि वान टु वान वार्ता भएकाले आफूलाई छलफलको विषय थाहा नभएको दावी गरे ।

थप समाचार

ओली–नेपालबीचको वार्ता सकियो

ओलीसँगको भेटवारे कुनै प्रतिक्रिया नदिइ बाहिरिए माधवकुमार नेपाल

ओली–नेपाल भेटको तस्बिर बाहिरियो

आजै माधव नेपाल पक्षका प्रभावशाली युवा नेता योगेश भट्टराईले  बालुवाटारमा प्रधानमन्त्री ओलीलाई भेटेर छलफलबाटै पार्टी एकता जोगाउन आग्रह गरेका थिए ।

भेटमा प्रधानमन्त्री ओलीले आफ्नो तर्फबाट पहल गर्ने आश्वासन दिएका थिए ।

यसअघि पछिल्लोपटक गत चैत्र २ गते धुम्बाराहीस्थित पार्टी कार्यालयमा ओली र नेपालबीच भेटवार्ता भएको थियो ।

माधव नेपाल पक्षका २७ जना सांसदहरूलाई कारवाहीका लागि स्पष्टीकरण सोधिएको भोलिपल्टै ओली र नेपालबीच भएको भेटवार्ता भएको हो ।