प्रधानमन्त्री एवं पार्टी अध्यक्ष केपी शर्मा ओलीसँग बुधवार साँझ भएको वार्ताबारे एमाले नेता माधवकुमार नेपालले पत्रकारहरुलाई प्रतिक्रिया दिन अस्वीकार गरेका छन् ।
 ओली र नेपालबीच काठमाडौंको नागपोखरी स्थित एक पाँचतारे होटलमा बुधवार साँझ झण्डै २ घण्टा वार्ता भएको थियो ।

नेकपा एमालेको विवाद उत्कर्षमा पुगेको समयमा ओली र नेपालबीच बुधवार भएको वार्तालाई अर्थपूर्ण रुपमा हेरिएको छ । बैठकपछि बाहिरिने क्रममा नेता नेपालले पत्रकारहरुलाई कुनै प्रतिक्रिया दिएनन् । बाक्लो संख्यामा उपस्थित पत्रकारहरुले प्रतिक्रिया मागेपनि नेपालले एकै शव्द नबोली गाडीमा बसेर बाहिरिएका थिए ।

ओली र नेपालबीच ३५ दिनपछि औपचारिक वार्ता भएको हो । यसअघि गत चैत्र २ गते धुम्वराही स्थित पार्टी कार्यालयमा छलफल भएको थियो । पार्टीहित विपरितका गतिविधीमा सहभागि भएको भन्दै ओलीले नेपाल सहित ४ जना नेतालाई निलम्बन गरेका छन् । नेपाल पक्षका २७ जना सांसदलाई तीन दिने स्पष्टीकरण सोधिएको छ ।