कोरोना संक्रमितको उपचारको नाममा लूट मच्चाउने दुई अस्पताललाई जिल्ला प्रशासन कार्यालय काठमाडौंले स्पष्टीकरण सोधेको छ । प्रशासनले ह्याम्स अस्पताल र काठमाडौं मेडिकल कलेज (केएमसी) अस्पतालसँग स्पष्टीकरण सोधेको प्रमुख जिल्ला अधिकारी कालीप्रसाद पराजुलीले जानकारी दिए ।

उनले चर्को शुल्क असुलबारे के कसो भएको हो जानकारी गराउन भनेर पत्र पठाइएको भन्दै पत्रको आधारमा थप निर्णय लिइने बताए । सो अस्पतालले कोरोना संक्रमितको उपचारको नाममा चर्को शुल्क असुलेको गुनासो आएको थियो ।

स्वास्थ्य तथा जनसंख्या मन्त्रालयले पनि संक्रमितको उपचारका लागि तोकिए भन्दा बढी शुल्क लिने निजी अस्पताललाई कारबाही गर्ने चेतावनी दिएको थियो ।

आजै प्रकाशित लोकान्तरको समाचार हेर्नुहोस्

कोरोना संक्रमितको उपचारमा निजी अस्पतालको लुट– एउटा बिरामीसँग दिनकै १ लाखसम्म असुली !