पार्टीभित्र देखिएको विवाद समाधानको प्रयास स्वरुप सत्तारुढ नेकपा एमालेको दुइ पक्षबीच सिंहदरबारमा एक घण्टादेखि छलफल चलिरहेको छ । प्रधानमन्त्री कार्यालय सिंहदरबारमा शुक्रवार साझ भएको वार्तामा संस्थापन पक्षको तर्फबाट नेता रामबहादुर थापा बादल पनि सहभागि छन् । वार्तामा एमाले अध्यक्ष एवं प्रधानमन्त्री केपी शर्मा ओली, नेता नेपाल लगायत दुवै पक्षका प्रभावशाली नेताहरु सहभागि छन् । 

नेकपा एकता भंग भएपछि पूर्व माओवादी पृष्ठभूमिका बादल एमालेमा लागेका थिए । नयाँ स्थायी कमिटीमा उनी चौथो बरियताको नेता हुन् । बागमती प्रदेश कमिटीको इन्चार्ज रहेका बादल राष्टिय सभामा एमालेको आधिकारीक उम्मेदवार हुन् । 

माओवादीले सांसद पद खोसेपछि हुन लागेको राष्टियसभा निर्वाचनमा उनी एमालेको तर्फबाट उम्मेदवार छन् ।