३० असार २०८३, मंगलबार
इजरायलका प्रधानमन्त्री बेन्जामिन नेतान्याहुले सेनाको हवाई आक्रमणका कारण हमास लडाकूहरू वर्षौंसम्मका लागि पछि धकेलिएको बताएका छन् ।
गाजामा हमासमाथि लगातार इजरायलले आक्रमण गरिरहेको बेलामा नेतान्याहुको टिप्पणी आएको हो ।
विगत १० दिनदेखि चलिरहेको संघर्षमा परी २१५ प्यालेस्टाइनी र १२ इजरायलीको मृत्यु भएको छ ।
हमासलाई उल्लेख्य क्षति पुगेको र इजरायली नागरिकहरूमा शान्ति बहाल नहुन्जेल सैन्य कारवाही जारी रहने नेतान्याहुले बताए ।
युद्धविराम हुनुपर्ने भनी अन्तर्राष्ट्रिय समुदायले आह्वान गरिरहेको अवस्थामा नेतान्याहुको भनाइ आएको छ ।
तर संयुक्त राष्ट्रसंघको सुरक्षा परिषद्ले यस द्वन्द्वको विषयमा सामान्य घोषणा पनि गर्न सकेको छैन । इजरायलको कट्टर समर्थक अमेरिकाले संघर्ष रोक्नका लागि आह्वान गर्ने चीन, नर्वे र ट्युनिसियाको बयानको मस्यौदालाई समेत स्वीकृति दिएको छैन ।
