प्रधानमन्त्री केपी शर्मा ओलीले आफूलाई काम गर्न नदिनका लागि तान्ने कोसिस भइरहेको बताएका छन् ।  

उनले कोभिड १९ विरुद्ध आफूले काम गरिरहँदा काम गर्न नदिने र मुद्धा हाल्ने काम भएको बताए ।  

आइतवार बालुवाटारमा आयोजित पत्रकार सम्मेलनमा बोल्दै उनले भने, ‘म कोभिड विरुद्ध लडौं कि डेढ सय फिराद लेखेर बसौं ?’ 

उनले थप भने,‘यस्तो खालको स्थिती नगरौं भन्ने मेरो आग्रह छ ।’ 

प्रधानमन्त्री ओलीले यस्तो अवस्थामा पनि बेरोजगारी, मूल्यवृद्धि, कालोबजारी हुन नपाओस्, आपूर्तिमा तलमाथि नहोस् भन्नेमा आफ्नो ध्यान केन्द्रित भएको बताए ।  

उनले थपे,‘उद्योगधन्दाहरू मिलाइमिलाई स्वास्थ्य मापदण्ड पालना गरेर चलाउनेतर्फ जान्छौं, त्यसपक्षमा मेरो र मेरो सरकारको ध्यान गइरहेको छ ।’