३० असार २०८३, मंगलबार
लामो समय माधव नेपाल–झलनाथ खनाल क्याम्पमा रहेका गणेश पहाडी संघीय मामिला तथा समान्य प्रशासन मन्त्री बन्ने भएका छन् ।
बिहीवार प्रधानमन्त्री केपी शर्मा ओलीले पहाडी समेतलाई सहभागी बनाएर मन्त्रिमण्डल विस्तारको तयारी गरेका हुन् ।
२०७० सालको संविधानसभा र २०७४ सालको प्रतिनिधि सभा निर्वाचनमा पहाडी सिन्धुलीबाट प्रत्यक्ष निर्वाचित भएका हुन् ।
माधव नेपाल समूहमा सक्रिय भएपनि उनले कांग्रेस सभापति शेरबहादुर देउवालाई प्रधानमन्त्री बनाउने प्रस्तावमा हस्ताक्षर गर्न मानेका थिएनन् ।
पहाडीलगायत मन्त्री बनेका ७ जनालाई बिहीवार अपराह्न पद तथा गोपनीयताको शपथ गराउने तयारी भएको बालुवाटार स्रोतले जानकारी दियो ।
गृहमा खगराज अधिकारी र सञ्चार तथा सूचना प्रविधि मन्त्रालयमा नैनकला थापाले शपथ लिँदैछन् ।
