२२ असार २०८३, सोमबार
सर्वोच्च अदालतले प्रतिनिधि सभा विघटन बदर गर्ने फैसलाको पत्रकार महासंघले स्वागत गरेको छ ।
फैसलाले संविधानको रक्षा हुनुका साथै लोकतान्त्रिक विधि र मूल्य मान्यता पुनस्र्थापित भएको महासंघले निष्कर्ष निकालेको छ ।
महासंघका महासचिव रोशन पुरीले जारी गरेको विज्ञप्तिमा भनिएको छ, ‘सर्वोच्च अदालतको फैसलापछि सम्मानित र स्वतन्त्र अदालतमाथि भएका अशोभनीय टीका–टिप्पणी र प्रधानन्यायाधीशको पुत्ला दहन गर्ने कार्यको महासंघ भर्त्सना गर्दछ ।’ स्वतन्त्र न्यायपालिकामाथि कुनै पनि पक्षबाट प्रहार गर्न हुँदैन भन्नेमा महासंघको प्रष्ट दृष्टिकोण रहँदै आएको विज्ञप्तिमा जनाइएको छ ।
साथै महासंघले पुनःस्थापित प्रतिनिधि सभा र संसदबाट निर्माण हुने सरकारले प्रेस तथा अभिव्यक्ति स्वतन्त्रता र नागरिक अधिकारको रक्षा गर्दै सञ्चार क्षेत्रको विकासमा महत्त्वपूर्ण योगदान पुर्याउने विश्वास पनि व्यक्त गरेको छ ।
