०३ असार २०८३, बुधबार
संखुवासभाको सदरमुकाम खाँदबारीबाट लागूऔषध अफिमसहित प्रहरीले १ जनालाई पक्राउ गरेको छ ।
पक्राउ पर्नेमा खाँदबारी नगरपालिका–७ का ६९ वर्षीय जय चापागाईं रहेका जिल्ला प्रहरी कार्यालयका प्रमुख प्रहरी नायब उपरीक्षक लालध्वज सुवेदीले जानकारी दिए ।
शुक्रवार दिउँसो विशेष सूचनाका आधारमा जिल्ला प्रहरी कार्यालयबाट खटिएको टोलीले चापागाईंलाई उनकै घरबाट अफिमसहित पक्राउ गरेको सुवेदीले बताए ।
प्रहरी टोलीले चापागाईंको घरमा लुकाएर राखिएको २०४ ग्राम अफिम फेला पारेको छ ।
