२१ असार २०८३, आइतबार
नेकपा एमालेका उपाध्यक्ष भीम रावलले पार्टी विभाजन गरेका नेकपा एकीकृत समाजवादीका अध्यक्ष माधवकुमार नेपालप्रति लक्षित गर्दै महासचिव, अध्यक्ष र प्रधानमन्त्री भइसकेर एमाले काम नलाग्ने हो भन्नु आश्चर्यजनक रहेको टिप्पणी गरेका छन् ।
सामाजिक सञ्जाल ट्विटरमार्फत रावलले कांग्रेससँग सहकार्य गरेर पदमा जान खोज्नेले एमालेमा एकता गर्नेलाई दक्षिणपन्थी देख्नु उदेकलाग्दो रहेको बताए ।
उनले लेखेका छन्, ‘दक्षिणपन्थी पूँजीवादी नेपाली कांग्रेससँग सहकार्य गरी पदमा जान खोज्नेहरूले नेकपा एमालेलाई १० बुँदे सहमतिको आधारमा एक हुनुपर्छ भन्नेहरूलाई दक्षिणपन्थी देख्नु उदेकलाग्दो कुरा हो । अझ यही पार्टीको महासचिव, अध्यक्ष र प्रधानमन्त्री भइसकेर एमाले काम नलाग्ने पार्टी हो भन्नु आश्चर्यजनक हो ।’
दक्षिणपन्थी पूँजीवादी नेकांसंग सहकार्य गरी पदमा जान खोज्नेहरूले नेकपा (एमाले) लाई १० बुँदे सहमतिको आधारमा एक हुनुपर्छ भन्नेहरूलाई दक्षिणपन्थी देख्नु उदेक लाग्दो कुरा हो।अझ यही पार्टीको महासचिव, अध्यक्ष र प्रधानमन्त्री भइसकेर एमाले काम नलाग्ने पार्टी हो भन्नु आश्चर्यजनक हो ।
— Dr. Bhim Rawal (@BhimRawal179) August 26, 2021
