३० असार २०८३, मंगलबार
तालिबानका सर्वोच्च नेता हैबतुल्लाह अखुन्दजादाले अफगानिस्तानको नयाँ सरकारले छिट्टै काम थाल्ने बताएका छन् ।
‘इस्लामिक अमिरातका अधिकारीहरूले घोषणा गरेको कामचलाउ तथा प्रतिबद्ध सरकराले छिट्टै काम थाल्ने विश्वास म सबै देशवासीलाई गर्न चाहन्छु । मन्त्रीहरूले इस्लामिक नियम र शरिया कानूनबमोजिम मेहनत गर्नेछन्,’ अखुन्दजादाले बयान जारी गरेर बताए ।
तीन हप्ताअघि तालिबानले काबुलमा कब्जा गरेपछि तालिबानका सर्वोच्च नेताले जारी गरेको यो पहिलो बयान हो ।
‘हामी शान्त, समृद्ध र आत्मनिर्भर अफगानिस्तान चाहन्छौं र त्यसका लागि हामीले देशमा युद्ध र द्वन्द्वका सबै कारणलाई निमिट्यान्न पार्न खोजेका छौं । हाम्रा देशवासीहरू पूर्ण सुरक्षा र आरामदायी अवस्थामा रहून् भनी हामी प्रयास गर्छौं,’ उनले बताए ।
तालिबानले मंगलवार राति मुल्ला हसन अखुन्दको नेतृत्वमा नयाँ मन्त्रिपरिषद् गठन गरेको छ ।
