रसियाको मस्कोमा जारी विश्व मिलिटरी बक्सिङ च्याम्पियनसिपमा सेनाकी चन्द्रकला थापा दोस्रो राउन्डमा पुग्न सफल भएकी छन् । प्रतियोगिताको महिलातर्फ ५७ के.जी. तौल समूहको खेलमा त्रिभुवन आर्मी क्लबकी उनले जिम्बावेकी जुलियाना कासोन्कालाई पराजित गर्दै दोश्रो राउन्डमा पुग्न सफल भएकी हुन् ।

सोही प्रतियोगिता अन्तर्गत महिलातर्फको ५१ के.जी. तौल समूहको खेलमा त्रिभुवन आर्मी क्लबकी मिनु गुरुङ्ग भने उज्वेकिस्तानकी योकुवोभा अजिजसँग पराजित भएकी छिन् । यसैगरी ६० के.जी. तौल समूहको खेलमा पुनम रावल रसियाकी एसाट्रेन निउनसँग पराजित भएको सेनाले जनाएको छ ।