२२ असार २०८३, सोमबार
सातामा अन्तिम कारोबारको दिन बिहीबार शेयर बजारमा १४.७० अंकको गिरावट आएको छ ।
यस दिन नेप्से परिसूचक १४.७० अंकले घटेर २५५६.९५ अंकमा झरेको छ ।
बिहीवार ठूला कम्पनीहरुको सूचक मापक सेन्सेटिभ इन्डेक्स ०.६५ अंकले घटेर ४८३.३९ बिन्दुमा झरेको छ ।
बिहीवार २१६ कम्पनीका ६१ लख ६ हजार ४५२ कित्ता शेयर २ अर्ब ६३ करोड ५३ लाख ९० हजार ४६० रुपैयाँमा खरिदबिक्री भएको छ ।
यस दिन कारोबारमा आएका १३ उपसमुहगत सूचकमध्ये अन्य र म्युचुअल फण्डको सूचक मात्र बढेको छ । जसअन्तर्गत अन्य १.३० र म्युचुअल फण्ड ०.४३ प्रतिशतले बढेको छ ।
बाँकी ११ वटा उपसमूहगत सूचक घटेको छ ।
बिहीबारको बजारमा मेरो माइक्रोफाइनान्सको शेयरमूल्यमा सकारात्मक सर्किट लागेको छ । लघुवित्तको शेयरमूल्य १० प्रतिशत (१५४.१० रुपैयाँ) बढेर १६९५.१० रुपैयाँमा अन्तिम कारोबार भएको छ ।
यस दिन कारोबार रकमका आधारमा सानिमा बैंक २७.१३ करोड सहित शीर्ष स्थानमा छ ।
बिहीवार जोशी हाइड्रोपावरको शेयरमूल्य सबैभन्दा बढी ५.८७ प्रतिशतले घटेको छ ।
