१९ असार २०८३, शुक्रबार
नेकपा (माओवादी केन्द्र)का कर्णाली प्रदेश इञ्चार्ज शक्तिबहादुर बस्नेतले राजनीतिकरुपमा मुलुक वर्तमान व्यवस्थामा आइपुग्नु माओवादी आन्दोलनको उपज भएको बताएका छन् । वीरेन्द्रनगर सुर्खेतमा आज आयोजित एकीकृत अखिल नेपाल शिक्षक सङ्गठन कर्णाली प्रदेश समितिको दोस्रो परिषद्लाई सम्बोधन गर्दै इञ्चार्ज बस्नेतले आजको परिवर्तन नै माओवादीको अगुवाइमा भएको दाबी गरे । उन्नाइसदिने आन्दोलन १२बुँदे समझदारीको जगमा भएको तर्क गर्दै उनले गणतन्त्र, सङ्घीयता, समावेशिता र समानुपातिक व्यवस्था माओवादीको आन्दोलनको उपलब्धि भएको जनाए ।
माओवादी केन्द्रका प्रदेश सचिव रामदीप आचार्यले प्रथम औद्योगिककालको शैक्षिक प्रणालीमा आजको शिक्षा प्रणाली चलिरहेको तर्क गरे ।
एकीकृत अखिल नेपाल शिक्षक सङ्गठनको दोस्रो परिषद्मा केन्द्रीय प्रतिनिधि, प्रदेश तथा जिल्लाका पदाधिकारीसहित ३१८ शिक्षकको सहभागिता रहेको थियो ।
