चीनको मानवअधिकार रेकर्डका विषयमा आपत्ति जनाउँदै अमेरिकाले बेइजिङको आयोजनामा हुन लागेको शीतकालीन ओलम्पिक कूटनीतिक रूपमा बहिष्कार गर्न मन बनाएको छ । 

अमेरिकाका राष्ट्रपति जो बाइडनले बिहीवार त्यसको पुष्टि गरेका हुन् । 

अल्पसंख्यक मुसलमानहरूका विरुद्ध नरसंहार गरेको आरोप लगाउँदै अमेरिकाले यो कदम चाल्न खोजेको हो । 

क्यानडाका प्रधानमन्त्री जस्टिन ट्रुडोसँगको बैठकअघि ओलम्पिक बहिष्कार सम्बन्धी प्रश्न सोधिएको थियो र बाइडनले यसमा विचार गरिरहेको बताए । 

कूटनीतिक बहिष्कार भन्नाले फेब्रुअरी महिनामा हुन लागेको बेइजिङ शीतकालीन ओलम्पिकको शुभारम्भ समारोहमा अमेरिकी अधिकारीहरू उपस्थित हुने छैनन् । 

केही दिनअघि बाइडन र चीनका राष्ट्रपति जो बाइडनबीच भर्चुअल शिखरवार्ता सम्पन्न भएलगत्तै अमेरिकाले ओलम्पिक बहिष्कारका विषयमा सोचविचार गरिरहेको हो ।