बलिउड कलाकारहरू रणवीर कपूर र आलिया भट्टको एउटा भिडियो भाइरल भइरहेको छ । भिडियो हेरेर आलियाका प्रशंसकहरू आक्रोशित छन् । 

भिडियोमा रणवीरले प्रेमिका आलियाको लामो लहंगालाई लात्ताले हानेको देखिन्छ । रणवीरको यस्तो व्यवहारलाई सामाजिक सञ्जाल प्रयोगकर्ताहरूले मन पराएनन् । 

नोभेम्बर महिनाको आरम्भतिर तिहारको एक कार्यक्रममा यो घटना भएको हो । आलिया स्टेजबाट जाँदै गर्दा रणवीर उनको पछिपछि आउँछन् । उनले आलियाको लहंगालाई गोडाले हटाएको देखिन्छ । 

रिसाएका कतिपय प्रशंसकले आलियालाई रणवीरसँग विवाह नगर्न समेत भनेका छन् । 

महिलाको कपडालाई यसरी लात्ती लगाएर रणवीरले अमर्यादित व्यवहार गरेको टिप्पणी एकजनाले गरेका छन् । 

रणवीर र आलियाको फिल्म ब्रह्मास्त्र सन् २०२२ मा आउन लागेको छ ।