असार १७ – दार्चुलाका दुई स्थानीय तहमा नेपाली कांग्रस विजयी भएको छ । जिल्लाका शैलेशिखर नगरपालिका र मालिकाअर्जुन गाउँपालिकामा कांग्रेसले जित हासिल गरेको हो ।
त्यस्तै, जिल्लाको १ स्थानीय तहमा नेकपा माओवादी केन्द्र विजयी भएको छ ।
शैलेशिखर नगरपालिकाको मेयरमा नेपाली कांग्रेसका मेयरका उम्मेदवार अमरसिंह धामीले ३ हजार ८ सय २९ मत ल्याएर विजयी भए ।
यस्तै, मालिकाअर्जुन गाउँपालिकाको प्रमुखमा कांग्रेसका नरेन्द्रसिंह धामी विजयी भएका छन् । उनी ३ हजार ८६ मतसहित विजयी भएका हुन् ।
मार्मा गाउँपालिकामा भने माओवादी केन्द्र विजयी भएको छ । उक्त गाउँपालिकाबाट प्रमुखका उम्मेदवार जमनसिंह धामी २ हजार ३ सय ५४ मत सहित विजयी भएका हुन् ।
