२९ असार २०८३, सोमबार
नेकपा एमालेका सचिव योगेश भट्टराईले वर्तमान सत्ता गठबन्धन नभत्किँदासम्म देशले निकास नपाउने बताएका छन् ।
तर गठबन्धन भत्कियोस् भनेर आफूहरूले गणेशलाई धुप भने नहालेको उनले बताए ।
बिहीवारको प्रतिनिधि सभा बैठक सूचनामार्फत स्थगित भएपछि संसद् भवन परिसरमा पत्रकारसँग कुरा गर्दै भट्टराईले देशको निकासका लागि गठबन्धन भत्किनु अनिवार्य रहेको बताएका हुन् ।
‘गठबन्धन भत्किनु मुलुकको निकासका लागि अनिवार्य छ, गठबन्धन रहँदासम्म मुलुक अनिर्णयको बन्दी बन्ने भयो,’ उनले भने ।
एमसीसीका कारण गठबन्धन संकटमा परेका बेला एमाले गठबन्धन जसरी पनि भत्काउने रणनीति अख्तियार गर्दै आएको छ ।
