३० असार २०८३, मंगलबार
युक्रेनका राष्ट्रपति बोलोदिमिर जेलेन्स्कीले अमेरिकाका राष्ट्रपति जो बाइडनलाई टेलिफोन गरेर रुसमाथि कडा प्रतिबन्ध लगाउन आग्रह गरेका छन् ।
रुसले युक्रेनमाथि सैन्य कारवाही गरिरहेका बेला राष्ट्रपति जेलेन्स्कीले सहयोगको आग्रह गरेका छन् ।
रुसमाथि अमेरिकाले प्रतिबन्ध लगाएको भए पनि त्यो पर्याप्त नभएकाले कडा प्रतिबन्ध लगाउन जेलेन्स्कीले बाइडनसँग आग्रह गरेका छन् । दुवै राष्ट्रपतिबीच आधा घण्टासम्म टेलिफोन कुराकानी भएको अन्तर्राष्ट्रिय सञ्चारमाध्यमले जनाएका छन् ।
यसैबीच, रुसले युक्रेनको टेलिभिजन टावरमा हमला गर्दा ५ जनाको मृत्यु भएको छ भने टेलिभिजन प्रसारण बन्द भएको छ ।
