२२ असार २०८३, सोमबार
प्रधानमन्त्री शेरबहादुर देउवाले चैत १८ गते शुक्रवारदेखि भारतको औपचारिक भ्रमण गर्ने भएका छन् ।
भारतीय विदेश मन्त्रालयले सोमवार विज्ञप्ति प्रकाशित गरी देउवाको भ्रमणबारे जानकारी गराएको हो ।
देउवाले अप्रिल २ तारिखका दिन समकक्षी नरेन्द्र मोदीसँग भेटवार्ता गर्न लागेको विदेश मन्त्रालयले जनाएको छ ।
नेपालको परराष्ट्र मन्त्रालयले पनि विज्ञप्ति प्रकाशित गर्दै भ्रमणबारे जानकारी दिएको छ । भ्रमणमा प्रधानमन्त्री पत्नी आरजु राणा देउवा पनि सहभागी हुनेछिन् ।
गत असार ३० गते प्रधानमन्त्रीको शपथ लिएका देउवा झण्डै ९ महिनापछि भारत भ्रमणमा जान लागेका हुन् ।
