शेयर बजार मापक सूचक नेप्से मंगलवार पनि १४.२६ अंकले घटेको छ । बजार ०.५६ प्रतिशतले घटेर २५२७.५८ विन्दूमा ओर्लिएको छ ।

बजार घटेको दिन तीन वटा कम्पनीको शेयर मूल्य भने सकारात्मक सर्किट लागेको छ । आज १० प्रतिशतले कमाउनेमा इनमिर्जङ नेपाल लिमिटेड, नेस्डो समृद्ध लघुवित्त वित्तीय संस्था र राष्ट्र उत्थान लघुवित्त छन् । यो सँगै जाल्पा सामूदायिक लघुवित्त, समता घरेलु लघुवित्तसहितका लगानीकर्ताले पनि २ देखि ४ प्रतिशतसम्मले कमाएका छन् । 

आज सबैभन्दा बढी गुमाउनेमा भने नबिल समृद्धि फण्ड रहेको छ । यसका लगानीकर्ताले ४.७३ प्रतिशतले गुमाएका छन् । मिर्मिरे माइक्रोफाइनान्स डेभलपमेन्ट बैंक, नेपाल लाइफ इन्स्योरेन्स, जीवन विकास लघुवित्त वित्तीय संस्था, आशा लघुवित्त वित्तीय संस्थासहितका लगानीकर्ताले ३.५५ देखि ३.६८ प्रतिशतसम्मले गुमाएका छन् ।

आज २२५ कम्पनीको ३८ लाख ९० हजार कित्ता शेयरको ३१ हजार पटक कारोवार भएको छ । यसबाट २ अर्ब ७५ करोड रुपैयाँको मात्रै कारोवार भएको छ । आज सबैभन्दा बढी शेयर कारोवार हुनेमा शिवम् सिमेन्टको ७ करोड ९१ लाख रुपैयाँको रहेको छ ।