३१ असार २०८३, बुधबार
पर्सामा पार्किङ गरिराखेको मोटरसाइकल चोरेर भाग्दै गर्दा एक जना पक्राउ परेका छन् । मोटरसाइकलको लक तोडी चोरी गरेर भाग्दै गरेका वीरगञ्ज महानगरपालिका-११ का २० वर्षीय आकाश गिरीलाई मंगलवार साँझ प्रहरीले पक्राउ गरेको हो ।
वीरगंज महानगरपालिका-८, माईस्थान अगाडि पार्किङ गरेर राखेको बारा बिश्रामपुर गाउँपालिका-५ बस्ने २९ वर्षीय लंकेश्वर गुप्ताको ना.३३ प ७१३८ नम्बरको मोटरसाइकल चोरी गरी भाग्दै गरेको अवस्थामा जिल्ला प्रहरी कार्यालय पर्साबाट खटिएको नियमित जाँच टोलीले फेला पारी उनलाई पक्राउ गरेको हो ।
उनीमाथि चोरीसम्बन्धी कसूरमा आवश्यक अनुसन्धान भइरहेको प्रहरीले जनाएको छ ।
