मेलम्ची नगरपालिकाको वडा नम्बर–५ मा पर्ने सिन्धु पुराना गाउँ माध्यामिक विद्यालयको मतदान केन्द्र कब्जामा लिने प्रयास भएपछि प्रहरीले हवाई फायर गरेको छ ।

मतदाता परिचयपत्रको सम्बन्धमा विवाद निकालेर कांग्रेसका कार्यकर्ताले झडपको अवस्था सिर्जना गरेको एमालेले आरोप लगाएको छ ।

मतदाता परिचयपत्र र नागरिकताको फोटोकपी लिएर मतदान गर्न आएकाहरुलाई मतदान गर्न दिने वा नदिने विषयमा विवाद भएको थियो । 

मतदान केन्द्रमा झडपको स्थिति सिर्जना भएपछि मतदान प्रभावित भएको छ । विवाद समाधानको लागि सर्वदलीय बैठकको प्रयास भइरहेको छ ।

प्रहरीले मत पेटिकालाई सुरक्षित राखेको छ ।