भारत सरकारले खाद्यान्न निर्यालमा एकपछि अर्काे प्रतिबन्ध लगाउँदै आएको छ । सम्भावित खाद्य संकटलाई आकलन गर्दै भारत सरकारले निर्यातमा प्रतिबन्ध लगाउँदै आएको छ ।

भारत सरकारले हालसम्म खानेतेल, गहुँ निर्यातमा प्रतिबन्ध लगाएको छ । 

भारतले गहुँ निर्यातमा प्रतिबन्ध लगाएपछि यूएई ठूलो संकटमा परेको छ । भारतमा यसपालि गहुँ उत्पादन कम भएकाले मूल्यवृद्धि समेत भएको छ ।

भारतले निर्यात रोकेपछि प्रमुख खरिदकर्ता यूएईमा पीठोको मूल्य बढेको छ । संसारका प्रमुख गहुँ उत्पादक देश रुस र युक्रेनमा युद्ध चलिरहेकाले गहुँको मूल्य १०–१५ प्रतिशत बढेको छ । 

यस्तै बेला भारतले समेत गहुँ निर्यात रोकेपछि झन् संकट उत्पन्न भएको छ । प्रधानमन्त्री नरेन्द्र मोदी नेतृत्वको भारत सरकारले स्वदेशमै गहुँ संकट हुनसक्ने आकलन गर्दै निर्यातमा प्रतिबन्ध लगाएको छ ।