झापाको बुद्धशान्ति गाउँपालिका-५, आयाबारीमा हात्ती मृत फेला परेको छ । स्थानीयवासीले आज बिहान ५ बजेतिर खेतमा हात्ती मृत फेला पारेका हुन् । 

डिभिजन वन कार्यालयका सहायक वन अधिकृत राजकुमार खत्रीका अनुसार वनरक्षकले मृत हात्तीलाई सुरक्षा घेरामा राखेका छन् ।

विज्ञलाई ल्याएर हात्तीको परीक्षण गरिने खत्रीले बताए । हात्ती के कारणले मरेको भन्नेबारे परीक्षणपछि मात्र भन्न सकिने उनले बताए ।