×

NIC ASIA

तल्लो तहका प्रहरीलाई परिवार पाल्नै मुस्किल

प्रहरीमा राजीनामा दिनेको लर्को: हाकिमहरू अपराध छल्न, जवानहरू परिवार पाल्न सेवाबाट बिदा

काठमाडाैं | कात्तिक २७, २०८०

Prabhu Bank
NTC
Premier Steels

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो । 

Muktinath Bank

नागरिकताअनुसार पहिला नै अवकाश पाइसक्नुपर्ने विवरण लोकान्तरले सार्वजनिक गरेपछि उनले तत्कालीन आईजीपी धीरजप्रताप सिंहसमक्ष राजीनामा बुझाएका थिए । डीआईजी सिंहले राज्यलाई ढाँटेर बढुवा लिएको तथा गलत विवरण पेश गरी सेवामा बहाल रहेको प्रमाणसहित लोकान्तरले समाचार प्रकाशन गरेको थियो ।


Advertisment
RMC TANSEN
IME BANK INNEWS
shivam ISLAND

लोकान्तरलाई प्राप्त डीआईजी सिंहको नागरिकताको प्रतिलिपिअनुसार उनले २०७९ जेठ २२ गते वरिष्ठ प्रहरी उपरीक्षक (एसएसपी) पदबाटै अनिवार्य अवकाश पाउनुपर्ने थियो । तर, उनले आफ्नो जन्ममिति ढाँटेर सेवामा बहाल रहेको र बढुवा समेत लिएको पुष्टि भएको थियो ।


Advertisment
Nabil box
Kumari

नागरिकताको प्रमाणपत्रमा उनी २०४२ जेठ २२ गते १८ वर्ष पूरा भएको उल्लेख थियो । उक्त समयमा १८ वर्ष पूरा हुन कम्तीमा पनि २०२४ साल जेठ २२ गते जन्मिएको हुनुपर्छ । यस हिसाबले हेर्दा २०७९ जेठ २२ गते उनी ५५ वर्षको पुग्ने देखिएको थियो । 

Vianet communication

....

असोज १५ गते महिला सहकर्मीमाथि यौन दुर्व्यवहार गरेको आरोप लागेपछि प्रहरी वरिष्ठ उपरीक्षक (एसएसपी) योगबहादुर पालले राजनीमा दिनुपरेको थियो । उनले महिला हवल्दारलाई यौन दुर्व्यवहार गरेको उजुरी प्रहरी प्रधान कार्यालयमा परेको थियो ।

घटना बाहिर आएलगत्तै उनलाई गृहमन्त्रालयले निलम्बन गरेको थियो । घटनाको छानबिन गर्न डीआईजी सुरेन्द्र मैनालीको नेतृत्वमा छानबिन समिति गठन भएपछि उनले कारबाहीबाट जोगिन राजीनामा दिएका थिए । 

जेठ १९ गते महिला हवल्दारले घर बिदा स्वीकृत गराउँदा उनले आफ्नो कार्यालयमा बोलाएका थिए । त्यसक्रममा उनले ‘तिमी मलाई मन पर्‍यो, आज गूड फ्राइडे मनाऔं’ भनको कुरा बाहिर आएको थियो । त्यसपछि पीडित महिलाले प्रहरी प्रधान कार्यालयमा उजुरी दिइएकी थिइन् । 

....

२०७५ माघ ३० गते प्रहरी रिपोर्ट बनाउन गएकी महिलालाई बलात्कार गरेको अभियोग लागेपछि तत्कालीन डीएसपी राजकुमार खिउजुले राजीनामा दिएका थिए । उनलाई पुर्पक्षका लागि जिल्ला अदालत ललितपुरले कारागार पठाएको थियो । पछि गएर अदालतले निर्दोष ठहर गरेपछि उनी १ वर्ष कारागार बसेर छुटेका थिए ।

प्रहरीमा माथिल्लो तहका अधिकृतहरूको राजीनामा विभिन्न अभियोग लागेर वा कैफियत भेटिएर आउने गरेको पाइएको छ । माथिल्ला अधिकृतहरूको यो अवस्था रहे पनि तल्ला तहका प्रहरी कर्मचारी भने सेवा सुविधा कम भएर राजीनामा दिन बाध्य हुने गरेका छन् । केही अर्को राम्रो अवसरको खोजीमा राजीनामा दिएर बाहिरिने गरेका छन् ।

प्रहरी प्रधान कार्यालयको आईजीपी सचिवालयमा काम गरिरहेका तत्कालीन प्रहरी उपरीक्षक (एसपी) सविन प्रधानले डेढ वर्ष सेवा अवधि बाँकी छँदै २०७९ माघ २० गते राजीनामा दिएका थिए । उनको सेवा अवधि २०८१ भदौसम्म थियो ।

२०५१ भदौमा प्रहरी सहायक निरीक्षक (असई)मा भर्ना भएका उनले संगठनमा लामो समय काम गरे पनि आगामी दिनमा अरू नै केही गर्ने उद्देश्य राखेको लोकान्तरलाई बताएका थिए । ‘रिटायर्ड भएपछि काम गर्ने जाँगर नचल्ला भनेर छिटो राजीनामा दिएको हुँ,’ प्रधानले लोकान्तरसँग भनेका थिए ।

अहिले उनले नेपालमा रहेको विदेशी राजदूतावासमा जागिर खाँदै आएका छन् ।  उनी मात्रै होइनन्, राम्रो अवसरको खोजीमा प्रहरीबाट राजीनामा दिनेको संख्या ठूलो छ ।

प्रहरी प्रधान कार्यालयको तथ्याङ्कअनुसार पछिल्लो ५ वर्ष अर्थात आर्थिक वर्ष २०७५/०७६ यता ६ हजार ९८३ जनाले राजीनामा दिएका छन्, जसमा प्रहरी हवल्दार, प्रहरी सहायक हवल्दार, प्रहरी जवान र प्रहरी कार्यालय सहयोगीको संख्या मात्रै ५ हजार ३०९ छन् । 

यो अवधिमा २ जना डीआईजी, २ जना एसएसपी, ६ जना एसपी, डीएसपी १८ जना, ५४ जना इन्स्पेक्टर, ११ जना वरिष्ठ सई, ७४८ सई र १ हजार ८९ जना असईले पनि राजीनामा दिएको प्रहरी प्रधान कार्यालयको तथ्याङ्कले देखाएको छ ।

आर्थिक वर्ष २०७७/०७८ देखि अहिलेसम्मको अवधिमा ३४६ जना सम्पर्कमा आएका छैनन् । प्रहरी प्रधान कार्यालयको तथ्याङ्क अनुसार वरिष्ठ सई २ जना, सई १२ जना, असई ११ जना, प्रहरी हवल्दार ३३ जना, सहायक हवल्दार २४ जना, प्रहरी जवान २३२ जना र कार्यालय सहयोगी  ३२ जना राजीनामा नदिई एवं कुनै जानकारी नगराई सम्पर्कविहीन छन् ।

सम्पर्कमा नआएका र राजीनामा दिएका तल्लो दर्जाका अधिकांश कर्मचारीले तलबले आफ्नो परिवारको जीविकोपार्जनमा समस्या भएपछि राजीनामा दिएका छन् ।

‘जवानको तलबले अहिलेको अवस्थामा के पो गर्न सकिन्छ र आफू एक्लै पनि पालिन गाह्रो भएपछि भागेर कोरिया आएको हुँ,’ २०७५ सालमा कोरिया गएका एक प्रहरी जवानले लोकान्तरसँग भने । 

उनी प्रहरीमै छँदै ईपीएस परीक्षा पास गरी कोरिया गएका थिए । विपत व्यवस्थापनमा कार्यरत रहेकाले राजीनामा स्वीकृत नहुने देखेर भाग्नुपरेको उनले बताए । 

अहिले प्रहरीका तल्लो तहका कर्मचारीहरू कमाइको नयाँ विकल्पको खोजीमा छन् । उनीहरूले १६ वर्षे उमेर हद भएको खण्डमा समयमै अवकाश पाएर वैदेशिक रोजगारीमा जान पाइने भएकाले नेपाली सेनाजस्तै उमेर हद कम हुनुपर्ने आवाज उठाइरहेका छन् । 

‘१६ वर्षे उमेर हद भयो भने मैले जागिर खाएको १३ वर्ष भयो, ३४ वर्षको भएँ, अब ३ वर्षपछि अवकाश पाएर विदेश जान पाउँथें,’ एकजना ट्राफिक प्रहरी जवानले लोकान्तरसँग भने ।

प्रहरी प्रवक्ता डीआईजी कुवेर कडायत राम्रो अवसरको खोजीमा तल्लो तहका प्रहरी कर्मचारीहरूले राजीनामा दिने गरेको बताउँछन् ।

‘अधिकांशले राम्रो अवसर पाएपछि राजीनामा दिएको देखिन्छ,’ डीआईजी कडायतले लोकान्तरसँग भने ।

अन्य ठाउँमा राम्रो काम पाएकाहरू भागेर गएको उनले स्वीकारे ।

प्रहरीमा माथिल्लो तहका कर्मचारीले आफ्नो अनुकूल शक्ति प्रयोग गरेर सधैं राम्रो ठाउँमा जाने र अवसर पाउने तर तल्लो तहका कर्मचारीहरू पेलानमा पर्ने भएकाले पनि तल्लो तहका कर्मचारीहरूले राजीनामा दिने गरेको स्वयं प्रहरी अधिकृतहरू बताउँछन् ।

hAMROPATRO BELOW NEWS
TATA Below
मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

कात्तिक १५, २०८०

बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...

बैशाख २३, २०८१

काठमाडौँको शंखरापुर नगरपालिका-९ बाट आइतबार चोरीको मोटरसाइकलसहित एक जनालाई ट्राफिक प्रहरीले पक्राउ गरेको छ । काभ्रेपलाञ्चोकको खानिखोला गाउँपालिका २ घर भइ हाल भक्तपुरको निकोशेरा बस्दै आएका २९ वर्षीय विकास थि...

कात्तिक २५, २०८०

मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् ।  उनलाई शुक्रवार दिउँसो पक्राउ गरिएको प्र...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

कात्तिक २३, २०८०

नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x