पूर्वमन्त्री तथा एमाले नेता गोकुल बाँस्कोटाले संघीयता विरोधी अभिव्यक्ति दिएका छन् । उनले संघीयता आवश्यक नभएको भन्दै विभिन्न कालखण्डमा भएका दुरुपयोगका श्रृङ्खलाले यसको पुष्टि गरेको उनको जिकिर छ । 
पछिल्लो पटक गण्डकी प्रदेशका मुख्यमन्त्री कृष्णचन्द्र नेपाली पोखरेलले आमाबाबुको नाममा ट्रस्ट बनाउन बजेट छट्याएको विषय बाहिरिएपछि उनले कडा कटाक्ष गरेका छन् । मुख्यमन्त्री पोखरेलका मातापिताको नाममा स्मृति कोष बनाउन ५० लाख रुपैयाँ बजेट विनियोजन गरिएको खबर बाहिरिएको हो । 

उनले ट्वीटरमा भनेका छन्, ‘र,फेरि पनि भन्छु –यो प्रदेश संरचना त गण्डकी प्रदेश सरकारको बजेटमा राखिएका मन्त्रीका मातापिता ट्रष्टले पनि प्रमाणित गरिसक्यो कि आवश्यक छैन।’
मुख्यमन्त्रीको आफन्त जोडिएको ट्रस्टको विषयमा आलोचना भइरहेको छ ।