काठमाडौं, १२ साउन– नवनियुक्त उर्जामन्त्री महेन्द्रबहादुर शाहीले बुढीगण्डकी जलविद्युत परियोजना समयमै सम्पन्न गर्न ठेकेदार कम्पनीलाई आग्रह गरेका छन् । बिहीवार राजधानीमा आयोजित एक कार्यक्रममा उनले परियोजना सन्तोषजनक र समयमै काम गर्न नसके सम्झौता रद्द गर्ने चेतावनी समेत दिए ।
विद्युतले नै आर्थिक क्षेत्रमा कायापलट गर्ने भन्दै मन्त्री शाहीले बिद्युतको विकास र विस्तारका लागि आफूले विशेष जोड दिने प्रतिबद्धता समेत जनाए ।
कार्यक्रममा मन्त्री शाहीले मुआब्जाको समस्या छिट्टै हल हुने बताउँदै मुआब्जाका लागि करिब ६० अर्ब रुपैयाँ आवश्यक भएकोमा १६ अर्ब मुआब्जा रकम निकासा भइसकेको जानकारी दिए । उनकाअनुसार अहिले १० अर्ब रुपैयाँ निकासाको तयारीमा छ ।
