मंसिर ११, २०८०
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
नेपाली चलचित्र ‘प्रेम गीत ३’ भारत र नेपालमा एकसाथ प्रदर्शनमा आउँदैछ । असोज ७ गते अर्थात सेप्टेम्बर २३ देखि प्रदर्शनमा आउने चलचित्र हिन्दी भाषामा डब भइसकेको छ । चलचित्र नेपाल र भारतमा एउटै नामबाट प्रदर्शनमा आउँदैछ । नेपाल र भारतमा चलचित्रको प्रचारप्रसार शुरू भइसकेको छ ।
निर्माता सन्तोष सेन, अभिनेता प्रदीप खड्का र अभिनेत्री क्रिष्टिना गुरुङ यतिबेला मुम्बईमा छन् । हिन्दी संस्करणको पोष्टर सार्वजनिक गर्न मुम्बई पुगेका उनीहरू अझै केही दिन उतै रहनेछन् । भारतका लागि चलचित्रको प्रतिलिपि लिएको कम्पनीले प्रचारप्रसार शुरू गरिसकेको छ ।
मुम्बई शहरमा चलचित्रका पोष्टरहरू टाँसिएको छ । बलिउड र हलिउड चलचित्रका मात्र पोस्टर टाँसिने मुम्बईमा नेपाली चलचित्र ‘प्रेम गीत ३’को पोष्टर टाँसिदा निर्माता सेन दंग छन् । निर्माता सेनले मुम्बई शहरमा पोष्टर टाँसिएका केही तस्वीरहरू फेसबुकमा शेयर गरेका छन् । उनका अनुसार मुम्बई मात्र नभएर भारतका विभिन्न शहरमा ‘प्रेम गीत – ३’को पोष्टर टाँसिएको छ ।
निर्माता सेनले भारतका सहरमा यसरी नेपाली चलचित्रको पोष्टर टाँसिनु आफ्नो लागि मात्र नभएर समग्र नेपालीहरूका लागि ठूलो खुशी र गौरवको कुरा भएको बताएका छन् ।
उनी भन्छन, ‘म आफ्नै चलचित्र भएर बहकिएको होइन, एउटा नेपाली चलचित्रको दर्शकको तर्फबाट सोच्दा पनि यो सामान्य पहलबाट सम्भव हुने विषय होइन । र, आम नेपालीहरूका लागि ठूलो खुशी र गौरवको कुरा हो ।’
यदि भारतीय भाषामा ‘प्रेम गीत ३’ ले राम्रो गर्न सकेको खण्डमा यसको फाइदा सबैलाई हुने सेनको भनाइ छ । उनले चलचित्रलाई खुलेर साथ दिन सबैलाई आग्रहसमेत गरेका छन् ।
हिन्दी भाषाको ‘प्रेम गीत ३’ पोस्टरलाई लिएर बलिउडकर्मीहरूबाट पाएको सकारात्मक प्रतिक्रियाबाट पनि सेन खुशी छन् । चलचित्रको लगानी भारतमा प्रतिलिपि बेच्दा नै उठिसकेको छ ।
छेतन गुरुङ र सन्तोष सेनको निर्देशन रहेको चलचित्रको प्रदीप खड्का र क्रिष्टिना गुरुङ मुख्य भूमिकामा छन् । चलचित्रमा प्रदीप र क्रिस्टिनाका साथमा शिव श्रेष्ठ, सुनिल थापा, माओत्से गुरुङ, मनिष राउत, पुस्कर कार्की, प्रेम पुरी, अनुभव रेग्मी, सन्तोष सेनलगायतको अभिनय छ ।
चलचित्रको लेखन निर्देशक छेतन र मन्दिप गौतम मिलेर गरेका हुन् । सेप्टेम्बर १ मा ‘प्रेम गीत–३’ को हिन्दी संस्करणको ट्रेलर सार्वजनिक हुँदैछ । मुम्बई शहरमा नेपाली चलचित्रको पोष्टर टाँसिएकोमा यतिबेला नेपाली चलचित्रकर्मीहरू खुशी व्यक्त गरिरहेका छन् ।
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...