अमेरिकी संसदको तल्लो सदन हाउस अफ रिप्रेजेन्टेटिभ्सकी सभामुख न्यान्सी पोलोसी आफ्नो भ्रमणका सिलसिलामा मंगलबार साँझ ताइवान पुगेकी छन् । अमेरिकी नेवी र एयरफोर्सका २४ विशेष फाइटर जेटको स्कर्टिङका साथ उनी ताइवान ओर्लिएको समचारमा जनाइएको छ । 

चीनको सरकारी पत्रिका ग्लोबल टाइम्सले केही दिन पहिले पोलोसीको प्लेन ताइवानतर्फ गएमा ध्वस्त बनाउने चिनियाँ चेतावनीसहितको समाचार छापेको थियो । चिनियाँ धम्कीको यो क्रम जारी छ। पोलोसी ताइवान पुगेसँगै चीनले ताइवानमा सैन्य कारबाही गर्ने चेतावनी दिएको अन्तर्राष्ट्रिय समाचार संस्था एएफपीले जनाएको छ । ग्लोबल टाइम्सले पनि चीन वरीपरी चिनियाँ जनमुक्ति सेनाले सैन्य गतिविधि बढाउने खबर मंगलबार छापेको छ ।