बलिवुड स्टार टाइगर श्राफको ‘स्टारडम’ लगातार बढिरहेको छ । फ्यानहरूको मनमा राज गरिरहेका टाइगर बलिवुडमा मात्र सीमित छैनन्, उनका फ्यानहरू सारा दुनियाँभर फैलिएका छन् । उनले सानो भिडियोको क्लिपमात्र सामाजिक सञ्जालमा पोष्ट गर्दा पनि ‘लाइक’ र कमेन्टको बाढी लाग्ने गर्दछ । 

पछिल्लो समय टाइगरले पोष्ट गरेका सबैजसो भिडियो भाइरल हुने गरेको छ । उनले जस्तोसुकै भिडियो पोष्ट गर्दा पनि सामाजिक सञ्जालमा त्यसले धमाका मच्चाउने गरेको हो । 

यस्तै क्रममा टाइगरले पोष्ट गरेको एक भिडियो भाइरल भएको छ । उनको भिडियोलाई अधिकांशले मन पराएका छन् । भिडियोमा उनी ट्रयाकमा दौडिरहेका छन् । उक्त भिडियो पोष्ट गर्दै उनले लेखेका छन्, ‘आफ्नै दौडमा दौडिरहेको छु ।’ 

उक्त भिडियोले जति कठीन परिस्थितिमा पनि भित्री मनदेखि नै चुनौती स्वीकार गर्ने हो भने जित निश्चित रहेको सन्देश दिने उनका समर्थकहरूले प्रतिक्रिया दिएका छन् । उनीहरूले टाइगरको भिडियोले जितको सन्देश दिने भन्दै प्रशंसा गरिरहेका छन् ।