×

कलाकारहरूको बढ्दो व्यस्तता

महोत्सवको सिजन : गायक–गायिकालाई देश दौडाहामा भ्याइनभ्याइ

काठमाडाैं | मंसिर १७, २०८०

गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् ।

माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्षणको केन्द्रमा हुनेछिन् । 


Advertisment

गायक शर्माले शनिबार रुकुममा जारी महोत्सवमा पुगेका थिए भने शुक्रवार भैरहवामा जारी महोत्सवमा प्रस्तुति दिएका थिए । 


Advertisment

यस्तै, गायिका अधिकारी पनि रुपन्देही (भैरहवा र मणिग्राम), रुकुम, रोल्पा, नवलपुरलगायतका जिल्लामा आयोजित मेलामा प्रस्तुति दिएर आइतबार पाल्पा पुगेकी हुन् । 

शर्मा र अधिकारी मात्र होइन, यति बेला सांगीतिक क्षेत्रमा चलेका गायक–गायिकालाई देशभित्रका मेला–महोत्सवको दौडधुपले छोएको छ । 

मंसिर लाग्नेबित्तिकै शुरू भएका मेला–महोत्सवमा पुगेर सांगीतिक प्रस्तुति दिन गायक–गायिकाहरू व्यस्त बनेका हुन् । उनीहरूले सामाजिक सञ्जाल फेसबूकमा राख्ने गरेका तस्वीरले पनि मेला महोत्सवमा व्यस्तता बढेको प्रस्ट्याउँछ । 

कतिपय जिल्लामा महोत्सव शुरू भइसकेका छन् भने कतिपयमा तयारी भइरहेको छ । कतिपयमा सम्पन्न समेत भइसकेको छ । 

चितवनमा चलेको ‘चितवन नारायणी महोत्सव’ शनिबार मात्रै सकिएको छ । शनिबार झन्डै ४५ हजार दर्शकको अगाडि आफूले प्रस्तुति दिएको गायिका रचना रिमालले उल्लेख गरेकी छन् । 

भैरहवामा जारी लुम्बिनी प्रादेशिक महोत्सव सोमबार सकिँदै छ । उद्योग व्यापार संगठन रूपन्देहीले यो महोत्सव गरेको हो । 

गायक हेमन्त शर्मा मंसिर लागेसँगै मेला महोत्सवको सिजन शुरू भएको बताउँछन् । यद्यपि, यस वर्ष मंसिरमा विगतमा भन्दा धेरै महोत्सव भइरहेको महसुस उनले गरेका छन् । 

‘महोत्सवको सिजन मंसिरबाटै शुरू हुने हो । तर, यस वर्ष शुरूआतमै धेरै महोत्सव भइरहेको जस्तो लागेको छ’ उनले भने । 

मकवानपुरको थाहा नगरपालिकामा जारी महोत्सवमा दिनहुँ ३ जना चर्चित कलाकारहरू पुगेर प्रस्तुति दिँदै आएका छन् । 

शनिबार गायिका शान्तिश्री मुख्य आकर्षणमा रहेको उक्त महोत्सवमा आइतबार गायक दुर्गेश थापा, गायिका मञ्जु पौडेलका साथमा हास्य कलाकार सागर लम्साल ‘बले’ले प्रस्तुति दिँदैछन् । 

महोत्सवका व्यवस्थापक अनित विष्ट महोत्सवमा दर्शकको आकर्षणमा कलाकार हुने र कलाकारका लागि दैनिक १ लाख रुपैयाँ बढी छुट्याउनुपर्ने बताउँछन् । 

‘अहिले पिकमा रहेका कलाकार ल्याउँदा एक जनालाई १ लाखसम्म तिर्नुपर्छ । ठिक्क–ठिक्कका कलाकारहरू ल्याउँदा पनि ४० हजारभन्दा बढी दिनुपर्छ,’ उनले भने । 

युट्युबबाट सीमित आम्दानी गर्ने कलाकारहरू पनि स्टेजबाट राम्रो कमाइ गरिरहेका हुन्छन्, त्यसैले त गायक–गायिकाको अहिलेको समयको आम्दानीको मुख्य स्रोत नै मेला महोत्सव मानिन्छ ।

पछिल्लो समय मेला–महोत्सवको क्रम विगतभन्दा बढिरहेको हुनाले कलाकारहरूको स्टेजबाट हुने आम्दानी पनि बढिरहेको महोत्सव व्यवस्थापक विष्ट बताउँछन् । 

‘उद्योग वाणिज्य संघ र व्यापार संघले गर्ने मेला महोत्सव त निरन्तर छन् । तर, पछिल्ला वर्ष विभिन्न संघ-संस्थाका महोत्सव पनि थपिएका छन् । सोही कारण मेला महोत्सवको संख्या बढेको छ,’ उनले भने, ‘त्योसँगै चुनौती पनि थपिएको छ । एकै स्थानमा धेरै महोत्सव हुँदा त्यसको महत्त्व पनि घट्दै गएको जस्तो लाग्छ ।’

कोभिड महामारीका कारण ३ वर्ष मेला महोत्सव हुन सकेनन् । गत वर्षदेखि गति लिएको मेला–महोत्सवको गतिविधि यस वर्ष अझै बढ्ने विश्वास रहेको राष्ट्रिय लोक तथा दोहोरी गीत प्रतिष्ठानकी अध्यक्ष रिता थापा मगरले बताइन् । 

उनी केही कलाकारहरूले युट्युबबाट समेत राम्रो आम्दानी गर्ने गरे पनि समग्रमा कलाकारहरूको आम्दानीको मुख्य स्रोत मेला–महोत्सव रहेको बताइन् ।

उनले भनिन् – ‘लोकदोहोरीतर्फ प्रकाश सपूत, प्रकाश दूतराज, पशुपति शर्मा, खेम सेञ्चुरी लगायतका कलाकारहरूले युट्युबबाट पनि राम्रै कमाउनुहुन्छ जस्तो लाग्छ । तर, धेरै गायक–गायिकाको बाँच्ने मुख्य आधार मेला महोत्सव नै हो ।’

जिल्ला–जिल्लामा हुने साना–ठूला मेला महोत्सवले स्थानीय कलाकारहरूलाई पनि राम्रो गरेको उनले बताइन् । मंसिरदेखि फागुनसम्मलाई मेला महोत्सवको सिजन मानिन्छ ।

जेठ ५, २०८१

मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा उपप्राध्यापकका रुपमा कार्यरत डाक्टर स्मृति शाक्य ​पेशाले चिकित्सक हुन् ।  लामो समयदेखि यो क्षेत्रमा सक्रिय मुटुरोग विशेषज्ञ डा स्मृतिले अहि...

पुस २२, २०८०

हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...

मंसिर ११, २०८०

‘चिसो हावाले’ बोलको गीत युट्युबमा सार्वजनिक गरिएको छ ।  आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ ।  ...

कात्तिक १९, २०८०

अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् ।  शुक्रवार राती नेपालमा गएको भूकम्पमा ज्यान गु...

मंसिर १३, २०८०

गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...

मंसिर २, २०८०

‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x