इलाम बजारमा रहेको महेन्द्ररत्न क्याम्पस केन्द्रबाट एक्जिट पोल गराउन राखिएको सामग्री प्रहरीले बरामद गरेको छ ।​​

एक्जिट पोलको नाममा मतदान केन्द्र नजिकै अर्को मतदान गराउन लागिएको थाहा पाएपछि सामग्री नियन्त्रणमा लिएको प्रहरीले जनाएको छ ।

क्याम्पसको मतदान केन्द्रमा मतदातालाई नमूना मतपत्रमा छाप हाल्न लगाउने समूहको सामग्री प्रहरीले बरामद गरेको हो ।

इलाम २ मा जारी मतदानमा पौने १ बजेसम्म ३५ प्रतिशत मत खसेको छ ।

जिल्ला निर्वाचन अधिकारी देवीचरण फुँयालका अनुसार पौने एक बजेसम्म ३५ प्रतिशत मत खसेको हो ।

७९ मतदान स्थल र एक सय ४९ मतदान केन्द्र रहेको इलाममा १ लाख १५ हजार ८ सय ८९ मतदाता छन् ।

विभिन्न राजनीतिक दल र स्वतन्त्र गरी १९ उम्मेदवार चुनावी मैदानमा छन् ।