‘लौण्डा डान्स’ गर्ने प्रहरी नायब निरीक्षक (सई) राजकिशोर साह कारबाहीमा परेका छन् । रौतहटको गढीमाई नगरपालिका–७ धर्मपुर चौकी इन्चार्ज सई शाहलाई समाजमा खलल पुग्ने खालको नृत्य गरेको भन्दै प्रहरी प्रधान कार्यालयले कारबाहीस्वरुप जनकपुर गणमा सरुवा गरेको प्रहरी प्रवक्ता डीआईजी टेकप्रसाद राईले बताए । 

‘प्रहरी आचारणविरुद्धको काम गरेका कारणले उनलाई कारबाहीस्वरुप जनकपुर तानिएको छ,’ डीआईजी राईले लोकान्तरसँग भने ।

शाहले गढीमाईमा भएको एक कार्यक्रममा भोजपुरी अश्लील गीतमा प्रहरीको बर्दीमै नृत्य गरेको भिडियो सार्वजनिक भएको थियो । यो नृत्य अहिले सामाजिक सञ्जालमा भाइरल भएको छ । उनले बर्दी लगाएर आफू घोडा बनेर एक महिलाको रूप धारण गरेका पुरुषलाई आफूमाथि चढाएको देखिन्छ ।