निलम्बित प्रधानन्यायाधीश चोलेन्द्रशमशेर जबराको अवस्था बुझ्न राष्ट्रिय मानवअधिकार आयोगको टोली बालुवाटारस्थित उनकाे सरकारी निवासमा पुगेको छ । 

आयोगकी सदस्य लिली थापाका अनुसार आयोगका सहसचिव टिकाराम पोखरेल र दीपकध्वजजंग कार्कीसहितको टोली पुगेको हो । ‘उहाँहरू अहिलेसम्म फर्किएर आइसक्नु भएको छैन, त्यसैले त्यस विषयमा अहिले नै केही भन्न सकिन्न,’ सदस्य थापाले लोकान्तरसँग भनिन् ।

चोलेन्द्रले सरकारले आफूलाई निलम्बनमा राखेको प्रतिक्रिया दिएका थिए । आइतवार सर्वोच्च अदालत जाने तयारी गरेका चोलेन्द्रको निवासमा सुरक्षाकर्मी तैनाथ गरिएको थियो । उनी सर्वोच्च आउने भएपछि न्यायाधीश तथा कानून व्यवसायीहरूले धर्ना दिने तयारी गरेका थिए ।