इरान, रुस र चीनका जलसेनाले आगामी केही दिनमा संयुक्त अभ्यास गर्ने इरानी सेनाप्रमुख मोहम्मद बागेरीले बताएका छन् । 

उक्त अभ्यास उत्तरी हिन्द महासागरमा गरिने उनको भनाइ छ । अभ्यासमा पाकिस्तान, ओमान तथा अन्य केही मुलुकका जलसेना पनि सहभागी हुन सक्ने बागेरीले जानकारी दिए । 

यसअघि सोमवार रुस र चीनले संयुक्त सैन्य अभ्यासका रूपमा थप सहकार्य गरिरहने प्रतिबद्धता व्यक्त गरेका थिए । एसिया प्रशान्त क्षेत्रमा अमेरिकाले तनाव बढाइरहेको विषयमा उनीहरूबीच कुराकानी भइरहेको छ । 

त्यस्तै सेप्टेम्बर १५ मा रुसका राष्ट्रपति भ्लादिमिर पुटिनले रुस र इरानबीचको सम्बन्ध सबै पक्षमा अघि बढिरहेको बताएका थिए ।