२२ असार २०८३, सोमबार
गृहमन्त्री बालकृष्ण खाँणसँग नेपालका लागि भारतीय राजदूत नविन श्रीवास्तवले बिहीवार दिउँसो गृह मन्त्रालयमा शिष्टाचार भेटघाट गरेका छन् ।
भेटमा नेपाल–भारत बीचको आपशी सम्बन्ध र सहयोग आदान–प्रदानबारे छलफल भएको छ ।
भारतीय राजदूत श्रीवास्तवले भेटमा आगामी मंसिर ४ गते निर्धारित प्रतिनिधि सभा र प्रदेश सभा निर्वाचन शान्तिपूर्णरूपमा सम्पन्न गर्न नेपाल सरकार र गृहमन्त्री खाँणलाई शुभकामना दिएका थिए ।
गृहमन्त्री खाँणले सरकार निष्पक्ष, भयरहित र स्वतन्त्रतापूर्वक शान्तिपूर्ण तरिकाले प्रतिनिधि सभा र प्रदेश सभा निर्वाचन सम्पन्न गर्न लागिरहेको बताए ।
गृहमन्त्री खाँणले नेपाल र भारतबीच सदियौँदेखि नागरिकस्तरमा सम्बन्ध रहेकाले त्यो सम्बन्ध अझ दिगो हुने विश्वास व्यक्त गरे ।
गृहमन्त्री खाँणसँग यसअघि नेपालका लागि चिनियाँ राजदूत होउ यान्छीले शिष्टाचार बिदाइ भेट गरेका थिए ।
