०३ असार २०८३, बुधबार
ललितपुर महानगरपालिका–२७ सुनाकोठीस्थित टीका महर्जनको जस्ताको टहरा भाडामा लिई बस्ने खोटाङको साकेला गाउँपालिका–१ घर भएका ३८ वर्षीय रामचन्द्र राईमाथि धारिलो हतियार खुकुरी प्रहार गरी हत्या गरिएको छ ।
सोमवार साँझ साढे ७ बजेतिर मुख छाडेर बोलेको विषयमा विवाद हुँदा हत्या गरिएको प्रहरीले जनाएको छ ।
घटनामा संलग्न भएका ४१ वर्षीय राजेन्द्र राईलाई प्रहरीले पक्राउ गरेको छ । शव पोस्टमार्टमका लागि पाटन अस्पताल पठाइएको छ ।
श्रीमती समेतलाई मुख छाडेर बोलेको विषयलाई लिएर वादविवाद हुँदा आवेगमा आई धारिलो हतियार खुकुरीले टाउको, अनुहार र बायाँ हातमा प्रहार गरी हत्या गरेको प्रारम्भिक बयान आरोपीले दिएको प्रहरीले जनाएको छ ।
