०२ साउन २०८३, शनिबार
निर्वाचन सुरक्षाको सबै तयारी पूरा भएको गृह मन्त्रालयले जनाइएको छ ।
आज गृहमन्त्रालयमा आयोजित पत्रकार सम्मेलनमा गृहसचिव विनोदप्रकाश सिंहले चुनावी सुरक्षाका लागि सबै तयारी पूरा भएको बताएका हुन् ।
गृहसचिव सिंहका अनुसार देशभरका सबै मतदान स्थल र मतदान केन्द्रमा कर्मचारी र सुरक्षाकर्मी पुगेर पूर्वतयारी गरिसकेका छन् ।
मंसिर ४ गते सम्पन्न हुने प्रतिनिधिसभा तथा प्रदेशसभा सदस्य निर्वाचनको पूर्वसन्ध्यामा आज पत्रकार सम्मेलन गर्दै मन्त्रालयले यस्तो जानकारी गराएको हो ।
साथै देशभर ४० स्थानको मतपत्र हेलिकप्टरबाट ढुवानी गरिने मन्त्रालयले जनाएको छ ।
विभिन्न स्थानमा हुन सक्ने जोखिमलाई मध्यनजर गर्दै सरकारले ९०३ स्थानमा बम डिस्पोजल टोली तैनाथ गरेको जनाएको छ ।
मंसिर ४ गते सम्पन्न हुने प्रतिनिधि सभा तथा प्रदेश सभा सदस्य निर्वाचनमा एक करोड ७९ लाख ८८ हजार ५७० जना मतदाता छन् ।
देशभर १० हजार ८९२ मतदान स्थल र २२ हजार २२७ मतदान केन्द्र छन् ।
