लोकदोहोरी गायक यज्ञ सापकोटाले नयाँ गीत सार्वजनिक गरेका छन् । बिहीवार सार्वजनिक ‘मलाई मन परेको’ गीतमा यज्ञसँगै तेजु सापकोटाको स्वर सुन्न सकिन्छ । गीतको भिडियोमा रामजी खाँड र पवित्रा काफ्लेको नृत्य एवं अभिनय छ । 

शालिकराम भण्डारीको शब्द, गायक सापकोटा स्वयंको संगीत रहेको गीतलाई महेशविक्रम पाण्डेले एरेन्ज गरेका हुन् । मदन खड्काको निर्देशनमा तयार भिडियो ‘अकलादेवी म्युजिक’ युट्युब च्यानलमार्फत सार्वजनिक भएको हो । वीरेन्द्र भट्टको छायाँकन रहेको भिडियोलाई अमृत चापागाईंले सम्पादन गरेका हुन् । गीतकार एवं संगीतकार समेत रहेका यज्ञ सापकोटाले दर्जनौं गीत सार्वजनिक गरिसकेका छन् ।