३० असार २०८३, मंगलबार
नेपाल प्रहरी प्रधान कार्यालय साइवर ब्यूरोको नक्कली फेसबुक पेज बनाएको आरोपमा एक युवक पक्राउ परेका छन् । सर्वसाधारणलाई झुक्याई ठगी गर्ने उद्धेश्यले साइवर ब्यूरोको नाममा नक्कली फेसबुक पेज बनाएको आरोपमा प्रहरीले चितवन रत्ननगर नगरपालिका वडा नं. ५, झुवानीटोल बस्ने १८ वर्षका करण महतोलाई पक्राउ गरेको हो ।
उनलाई विद्युतीय कारोबार ऐन, २०६३ अन्तर्गतको कसूरमा काठमाडौं जिल्ला अदालतबाट पक्राउ अनुमति लिई जिल्ला प्रहरी कार्यालय चितवनको सहयोगमा मंगलवार पक्राउ गरिएको हो । साइवर ब्यूरोबाट खटिगएको टोलीले उनलाई चितवनबाटै पक्राउ गरेको प्रहरीले जनाएको छ ।
घटनाका बारेमा थप अनुसन्धान भइरहेको छ ।
