मुलुकी फौजदारी कार्यविधि–संहिता २०७४ को संशोधन अध्यादेशको पक्षमा नागरिक उन्मुक्ति पार्टीले काठमाडौंको माइतीघर मण्डलामा प्रदर्शन गरेको छ । नागरिक अगुवाहरूले अध्यादेश फिर्ताको माग गर्दै प्रर्दशन गरेलगत्तै नागरिक उन्मुक्तिले पक्षमा प्रदर्शन गरेको हो । प्लेकार्डसहित माइतीघरमा भेला भएका नागरिक उन्मुक्ति पार्टी समर्थकले रेशम चौधरीको रिहाइको माग गरेका छन् । 

सरकारले रेशम चौधरीलगायतलाई छुटाउन आइतवार अध्यादेश जारी गरेको थियो । प्रतिनिधि सभामा चौधरीको पार्टीले ३ सीट जितेको छ । रेशम चौधरीका बुवा पनि स्वतन्त्र सांसद बनेका छन् । नागरिक उन्मुक्ति पार्टीले सरकारमा सहभागी हुन रेशम चौधरी रिहा हुनुपर्ने शर्त राखेपछि सरकारले उनलाई रिहा गर्न अध्यादेश ल्याएको हो ।