महोत्तरीको मटिहानी मन्दिरका मानमहन्त जगरनाथ दासलाई प्रहरीले पक्राउ गरेको छ । जिल्ला अदालत रुपन्देहीमा लिखतसम्बन्धी मुद्दामा अनुसन्धानका लागि उनलाई आइतवार बिहान पक्राउ गरिएको जिल्ला प्रहरी कार्यालय महोत्तरीका डीएसपी सन्तोषकुमार पोखरेलले लोकान्तरलाई बताए । दासलाई मटिहानी मन्दिरबाटै पक्राउ गरिएको प्रहरीले जानकारी दिएको छ । 

रुपन्देहीका सहायक प्रमुख जिल्ला अधिकारीको हस्ताक्षर किर्ते गरेको आरोपमा उनलाई पक्राउ गरिए हो । उनले रोक्का रहेको बैंक खाताबाट सहायक सीडीओको हस्ताक्षर किर्ते गरेर ७० लाख रुपैयाँ झिकेको आरोप लागेको छ ।

उनलाई आवश्यक अनुसन्धान र कारबाहीको लागि रुपन्देही पठाइएको डीएसपी पोखरेलले जानकारी दिए ।