२० असार २०८३, शनिबार
गण्डकी प्रदेशमा नेपाली कांग्रेस संसदीय दलको नेतामा सुरेन्द्र पाण्डे विजयी भएका छन् । उनी १८ मतसहित संसदीय दलको नेता चयन भएका हुन् ।
उनका प्रतिस्पर्धी भोजराज अर्यालले ८ मत मात्रै पाएका छन् । १ मत बदर भएको छ ।
कांग्रेस संसदीय दलको नेतामा २ जनाको उम्मेदवारी दर्ता भएको थियो । उम्मेदवारी दर्ता गरेकामध्ये कसैले पनि उम्मेदवारी फिर्ता लिन नचाहेपछि निर्वाचन भएको थियो ।
गण्डकी प्रदेश सभामा कांग्रेसले प्रत्यक्षतर्फ १८ र समानुपातिकतर्फ ९ गरी २७ सिट जितेको छ ।
