प्रदेश नम्बर १ को प्रदेशसभाको पहिलो बैठक  आइतबार बस्दैछ । पहिलो बैठकको अध्यक्षता ज्येष्ठ सांसद कांग्रेसका ७९ वर्षीय गयानन्द मण्डल गनगाईले गर्नेछन् ।

सांसदहरूले शपथग्रहण भएसँगै सरकारको सिफारिसमा प्रदेश प्रमुखले पहिलो बैठक आज दिउँसो १ बजेका लागि आहवान गरेका हुन् । 

प्रदेशसभा सचिवालयका सचिव गोपालप्रसाद पराजुलीका अनुसार आजको बैठकमा प्रदेश प्रमुखबाट प्राप्त अधिवेशन आह्वानसम्बन्धी पत्र वाचन गर्ने कार्यसूची छ ।  त्यस्तै, प्रदेशसभा नियमावली २०७४ (पहिलो संशोधनसमेत) लाई अंगीकार गरी बैठक सञ्चालन गर्न प्रस्ताव प्रस्तुत हुने उनको भनाइ छ ।