नेकपा (एमाले) का नेता तथा पूर्वमन्त्री गोकुल बाँस्कोटाले मुलुकमा बढ्दो सवारी दुर्घटना हुन नदिन सवारी साधनको नियमित चेकजाँचको व्यवस्था हुनुपर्ने बताएका छन् । सामाजिक सञ्जालमा ट्वीट गर्दै बाँस्कोटाले हवाई वा सडक दुवै सुरक्षित यात्रा अनिवार्य रहेको उनको भनाइ छ ।

उनले लेखेका छन्, “यात्रु सुरक्षा नीति, कानुन, अनुगमन र कार्यान्वयनमा सरकार, व्यवसायी, यात्रु साथै चालकहरुको तालिम र सवारी साधनको नियमित चेकजाँचको व्यवस्था अनिवार्य शर्त हुन् । जे भयो दुखद अब त्रासदीपूर्ण यस्ता समाचार सुन्न नपरोस् ।”